دليل Claude وCapCut: نزّلوا المشروع والـSkills وخلو الوكيل يركّبه

هذا هو المشروع المفتوح المصدر اللي استخدمته عشان أخلي Claude يعمل مونتاج داخل CapCut، ويتركلي التايملاين قابل للتعديل بإيدي.

المهم هون مش إن الوكيل يطلع فيديو مسطّح وخلاص. capcutctl يعدّل ملفات مشروع CapCut نفسها: القصّات تضل clips، الـlayouts تضل قابلة للتغيير، والصوت والمؤثرات يضلوا على التايملاين. بعدها بتفتحوا CapCut وبتكملوا المراجعة والتعديل بشكل طبيعي.

إذا أنتم وكلاء أو بدكم مواصفات مباشرة للآلة، هاي النسخة الإنجليزية الخام. فيها بنية المشروع، المتطلبات، متغيرات البيئة، فحوصات القبول، ومسار الاسترجاع بدون واجهة الموقع.

المشروع مكوّن من مستودعين

المستودع الأول هو الأداة الفعلية. هو اللي بقرأ مشروع CapCut، يعمل snapshot، يطبّق التعديل على نسخ المشروع المرتبطة، يفحص النتيجة، ويرجع للخلف تلقائياً إذا فشل الفحص.

المستودع الثاني فيه أربع Skills بتعلّم الوكيل طريقة الشغل الصح. وحدة لأوامر الـCLI، وحدة لقواعد مشروع CapCut، وحدة لقص الـtalking head، ووحدة لمطابقة تسجيل الشاشة مع الكلام.

المستودعين MIT. بتقدروا تعملوا Fork، تعدّلوا الأداة، وتبعتوا Pull Request. الـCLI والـSkills منفصلين عن قصد: الكود ينفّذ، والـSkills تحفظ طريقة الشغل وقواعد الأمان.

قبل ما تبدأوا

• •جهاز Mac عليه CapCut Desktop ومفتوح مرة واحدة على الأقل.
• •Git وNode.js 20 أو أحدث.
• •Python 3.11 أو أحدث.
• •ffmpeg وffprobe.
• •وكيل برمجة يقدر يشغّل أوامر على جهازكم، مثل Claude Code أو Codex أو Hermes.
• •مساحة كافية للفيديوهات، الـsnapshots، وصور الفحص.

ما بتحتاجوا API key للمونتاج الأساسي. مفتاح Gemini اختياري فقط إذا بدكم ميزة توليد موسيقى، ومش جزء من التثبيت العادي.

أسهل طريقة: خلّوا الوكيل يركّب كل إشي

انسخوا البرومبت كامل والصقوه للوكيل على نفس جهاز الـMac. البرومبت بخليه يفحص الجهاز أولاً، ينزّل المستودعين الرسميين، يثبّت الأداة والـSkills بدون ما يكتب فوق ملفات موجودة، ويشغّل كل الاختبارات. كمان بمنعه يلمس مشروع CapCut حقيقي أثناء الإعداد.

هاي مش رسالة من نوع «نزّل المشروع وخلاص». الوكيل لازم يرجعلكم بتقرير فيه مسارات المستودعات، الـcommit hashes، نسخ الأدوات، طريقة إضافة capcutctl للـPATH، روابط الـSkills، وكل فحص نجح أو فشل.

شو لازم ينجح قبل أول مونتاج؟

• •npm test داخل مستودع الـCLI.
• •فحصا scripts/validate.py وscripts/test_validate.py داخل مستودع الـSkills.
• •capcutctl version يشتغل من أي مسار بالترمينال.
• •capcutctl preflight يحدد Python الصحيح، CapCut، ffmpeg، مجلد المشاريع، والمساحة.
• •الوكيل يشوف الـSkills الأربع من مجلد الـSkills الخاص فيه.
• •ما يكون أي مشروع CapCut حقيقي اتغيّر أثناء التثبيت.

إذا preflight حكى إن بعض الـSFX مش موجودة على جهازكم، هذا تحذير اختياري. أصوات وتأثيرات CapCut بتنزل بكاش مختلف على كل جهاز. الأداة بتتجاوز الصوت الناقص وبتخبركم بدل ما تكتب reference خربان.

أول تجربة آمنة

1. 1.اعملوا نسخة من مشروع بسيط، أو مشروع تجريبي ما بهمكم.
2. 2.اختاروا الستايل قبل أي كتابة: ستايل Suheil التجريبي، استخراج ستايلكم من مشاريعكم، أو بداية فاضية.
3. 3.خلّوا الوكيل يشغّل scenes وdoctor عشان يفهم المشروع قبل ما يغيره.
4. 4.اعملوا snapshot.
5. 5.سكّروا CapCut قبل الكتابة.
6. 6.شغّلوا أول تعديل مع --dry-run وراجعوا الخطة.
7. 7.بعد الموافقة، طبّقوا التعديل وشغّلوا doctor مرة ثانية.
8. 8.افتحوا CapCut وراجعوا التايملاين نفسه قبل أي export.

شو بتقدر الأداة تعمل؟

• •تنظف الـA-roll وتفصل القرار التحريري عن توقيت القصّ الدقيق.
• •تضيف تسجيلات الشاشة كـB-roll وتطابقها مع الكلام والنص الظاهر على الشاشة.
• •تطبّق split-screen وcircle وfull-face وscreen layouts كخصائص CapCut أصلية.
• •تضغط وقت الانتظار في تسجيل الشاشة بدون تسريع الوجه.
• •تضيف zooms وtransitions وSFX وموسيقى مع بقاء كل طبقة قابلة للتعديل.
• •تعمل frame QA وOCR وproxy خفيف لفحص النتيجة.
• •تحفظ snapshots وتعرض diff وترجع لنسخة سابقة إذا احتجتم.
• •تترك القرار النهائي عندكم داخل CapCut.

شو ما بوعدكم فيه؟

هاي نسخة مبكرة، ومش بديل كامل عن المحرر البشري. الفيديو اللي شفتوه احتاج مني تعديلات بسيطة بالنهاية. القوة الحقيقية إنها تعمل تقريباً 90% من الشغل المتكرر وتسلّمكم مشروع قابل للمراجعة، مش فيديو مقفول ما بتقدروا تصلّحوه.

الأداة ما بتضمن التوافق مع كل تحديث جديد من CapCut. عشان هيك في tests، snapshots، doctor، و--dry-run. بس هاي طبقات أمان، مش ضمان إن صيغة غير رسمية رح تضل ثابتة للأبد.

إذا بدكم تطوّروا المشروع

اعملوا Fork للمستودع المناسب. إذا التغيير سلوك جديد أو command جديد، بلّشوا بالـCLI ومعه test صغير يثبت التغيير. بعدها حدّثوا الـSkill المقابلة وملف الـCLI contract، وشغّلوا validators قبل الـPull Request. لا ترفعوا فيديوهاتكم، مساراتكم المحلية، transcripts، أو ملفات .env للمستودع.

شاهدوا الفيديو

شاهدوا تجربة Claude وهو يعمل المونتاج داخل CapCut

نزّلوا المشروع، خلّوا الوكيل يشغّل التثبيت والفحوصات، وابدؤوا بمشروع تجريبي. إذا بدكم تعدّلوا الكود أو تضيفوا workflow جديد، اعملوا Fork وخلو الـtests تحمي التغيير بدل ما تكتبوا مباشرة على مشروعكم الحقيقي.